دفتر الزبائن
كل زبون بصفحة وحدة: المبلغ المسجّل عليه، وكل حركة بتاريخها.
دفتري
دفتر ديون المحل على جوالك
بتسجّل الدين والدفعة بثواني، وزبونك بيعرف قديش مسجّل عليه بدون ما تنحرج. ومعه دفتر للشيكات، والمصاريف والدخل، ورواتب الموظفين، كله بمكان واحد.
التجربة ببلاش، وبنجهّزه معك بالمحل. بنبلّش على أندرويد، والآيفون قريبًا.
ليش دفتري
بيرفع الحرج عنك وعن زبونك
أصعب إشي بالدين إنك تفتح الموضوع مع الزبون. مع دفتري، كشف الحساب بيوصله برسالة مؤدبة فيها المبلغ المسجّل عليه ورابط لتفاصيل حركاته. إنت ما بتنحرج، وعلاقتك معه بتضل منيحة.
قريبًاالكشف بيوصل من رقم دفتري، مش من رقمك. ولحد هداك، بتبعته من واتسابك بكبسة زر.
بثلاث خطوات
كيف بيشتغل؟
-
1
سجّل
الدين والدفعة من جوالك بثواني، بدل الدفتر الورقي.
-
2
ابعت
كشف الحساب بيوصل للزبون برابط بيفتحه بدون تطبيق.
-
3
تابع
بتعرف مين صارله فترة ما دفع، وكل حركة محفوظة بتاريخها ومين سجّلها.
الدفاتر
كل دفاترك بمكان واحد
وبتشغّل بس الدفاتر اللي بتحتاجها من الإعدادات، والباقي بيضل مخفي.
الدين والدفعة بثواني
بتكتب المبلغ وبتحفظ، والزر نفسه بيكتب المبلغ حتى ما تغلط. والدفعة بأي طريقة: نقدًا، بطاقة، تحويل، شيك.
ما في مسح، في تصحيح
الحركة الغلط ما بتنحذف، بتنعكس بسبب مكتوب، والاثنتين بيضلوا ظاهرين. ما حدا بيقدر يمسح حركة من ورا ظهرك.
المتأخرون
قائمة جاهزة باللي صارلهم فترة ما دفعوا، والمدة إنت بتحددها.
دفتر الشيكات
الواردة والصادرة بمواعيدها وصورها، وشيكات اليوم بتطلعلك بالرئيسية.
الرواتب والسلف
الراتب والسلف والخصومات، والصافي محسوب، وبينزل لحاله بدفتر المصاريف. والرواتب إلك إنت بس.
المصاريف والدخل
بتعرف وين راحت المصاري آخر الشهر، وصافي الصندوق اليوم وهالشهر.
التقارير
أعمار الديون، والدفعات، ونشاط الموظفين، لأي فترة. وكل شهر بتشوف الدفعات اللي وصلتك بعد الكشف.
الموظفون والصلاحيات
كل موظف بيشوف بس اللي بتسمحله فيه. الكاشير بيسجّل الدين والدفعة، وما بيشوف أرقام المحل الخاصة.
بدون نت؟
الدين والدفعة بينحفظوا على الجوال، وبينبعتوا لحالهم لما يرجع النت.
نقل دفترك القديم بسرعة
بتدخّل كل زبون ومبلغه بشاشة وحدة، وبتكبس «حفظ والتالي» للي بعده، وبتشوف العدد والمجموع أول بأول.
شو بيشوف الزبون
صفحة حسابه: اسم المحل، والمبلغ المسجّل عليه، وآخر حركاته، وزر لمراسلة المحل. بدون تطبيق ولا تسجيل دخول. وبيقدر يوقف رسائل دفتري بنفسه وقت ما بده.
الأمان
- رمز تحقق إضافي عند الدخول لصاحب المحل ولكل صلاحية حساسة، وقفل الحساب بعد محاولات غلط.
- كل محل معزول: ولا محل بيشوف بيانات غيره.
- الحركات ما بتنحذف، والتصحيح ظاهر بالسجل.
- بتشوف كل جهاز داخل على حسابك، وبتطلّعه بكبسة.
- ما بنبيع بياناتك، ولا بنستعملها لإعلانات.
ما في نظام بنقدر نوعد إنه ما بينخرق أبدًا. اللي بنوعد فيه إننا بنشتغل بهالطرق، وبنصلّح أي ملاحظة أول بأول.
للزبائن
وصلتك رسالة من دفتري؟
دفتري خدمة بتستعملها المحلات عشان تبعت لزباينها كشف الحساب على واتساب. الرسالة بتذكر اسم المحل اللي بتتعامل معه ورقمه.
رقم دفتري للكشوفات: +972 52-395-6099. هاد الرقم للكشوفات بس.
- لأي سؤال عن مبلغ أو حركة، تواصل مع المحل مباشرة.
- لإيقاف رسائل محل: رد على رسالته بكلمة «إيقاف»، أو اضغط زر الإيقاف بصفحة حسابك.
دفتري ما بيطلب منك أبدًا كلمة سر، ولا رمز، ولا دفع على واتساب. إذا وصلتك رسالة بتطلب هيك، لا ترد عليها.
قريبًا
- قريبًاإرسال الكشف من رقم دفتري
- قريبًاإشعارات على الجوال
تواصل معنا
الإيميل:
admin@daftari.link